ನವದೆಹಲಿ: ದೇಶದಲ್ಲಿ ಹಬ್ಬದ ಋತು ಮುಕ್ತಾಯವಾಗುತ್ತಿರುವಂತೆಯೇ, ಮದುವೆಯ ಋತು ಆರಂಭವಾಗಲಿದೆ. ನವೆಂಬರ್ 23 ರಿಂದ ಡಿಸೆಂಬರ್ 15, 2023 ರ ನಡುವೆ ಕೇವಲ 23 ದಿನಗಳ ಅವಧಿಯಲ್ಲಿ 38 ಲಕ್ಷ ವಿವಾಹಗಳು ದೇಶದಲ್ಲಿ ನಡೆಯುವ ನಿರೀಕ್ಷೆಯಿದೆ ಎಂದು CAIT ಅಂದಾಜು ಮಾಡಿದೆ.
ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ (ಸಿಎಐಟಿ) ಈ ಮದುವೆಯ ಋತುವಿನಲ್ಲಿ ಆಗಲಿರುವ 38 ಲಕ್ಷ ಮದುವೆಗಳಿಂದ ₹ 4.74 ಲಕ್ಷ ಕೋಟಿ ಗಳಿಸುವ ನಿರೀಕ್ಷೆಯಿದೆ, ಇದು ಇದುವರೆಗಿನ ಅತಿ ಹೆಚ್ಚು ಮೊತ್ತವಾಗಿದೆ. ಅದರ ಬಳಿಕವೇ ಈ ಲೆಕ್ಕಾಚಾರ ಹಾಲಾಗಿದೆ. ಕಳೆದ ತಿಂಗಳು ಸಿಎಐಟಿ ನಡೆಸಿದ ಅಂದಾಜಿನಲ್ಲಿ ಈ 38 ಲಕ್ಷ ಮದುವೆಗಳಿಂದ 4.25 ಲಕ್ಷ ಕೋಟಿ ರೂಪಾಯಿ ವ್ಯವಹಾರ ಗಳಿಸುವ ನಿರೀಕ್ಷೆಯಿದೆ ಎಂದು ಅಂದಾಜು ಮಾಡಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ ಸುಮಾರು 32 ಲಕ್ಷ ವಿವಾಹಗಳು ನಡೆದಿದ್ದವು. ಇದರಿಂದ ಒಟ್ಟು ₹3.75 ಲಕ್ಷ ಕೋಟಿ ವ್ಯವಹಾರವಾಗಿತ್ತು. ಈ 23 ದಿನಗಳಲ್ಲಿ ಸುಮಾರು 3.5 ಲಕ್ಷ ವಿವಾಹಗಳು ದೆಹಲಿಯಲ್ಲಿಯೇ ನಡೆಯಲಿವೆ, ಇದು ಸುಮಾರು ₹ 1 ಲಕ್ಷ ಕೋಟಿ ವ್ಯವಹಾರವನ್ನು ಮಾಡುವ ಸಾಧ್ಯತೆಯಿದೆ.
ಸಿಎಐಟಿಯ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಖಂಡೇಲ್ವಾಲ್ ಹೇಳುವ ಪ್ರಕಾರ, ಸೇಲ್ಸ್ಗಳು ಹಾಗೂ ದೀಪಾವಳಿ ಸಂಭ್ರಮದ ಕಾರಣದಿಂದಾಗಿ ಮತ್ತೊಮ್ಮೆ ಸಮೀಕ್ಷೆ ನಡೆಸಬೇಕಾಯಿತು. ಇದೇ ವೇಳೆ ಮದುವೆಯ ಖರ್ಚಿನ ಮೇಲೆ ಹಣದುಬ್ಬರ ಪರಿಣಾಮ ಬೀರಲಿದೆ ಎನ್ನುವ ಅಂಶವನ್ನೂ ತಳ್ಳಿ ಹಾಕಿದರು. “ಹಣದುಬ್ಬರವು ಮದುವೆಯ ಋತುವಿನ ಮೇಲೆ ಪರಿಣಾಮ ಬೀರುವುದಿಲ್ಲ, ಏಕೆಂದರೆ ಜನರು ಏನು ಬೇಕಾದರೂ ಖರ್ಚು ಮಾಡುತ್ತಾರೆ. ಮದುವೆಯ ಶಾಪಿಂಗ್ ಅನ್ನು ಕಡಿಮೆ ಮಾಡಲು ಹೆಚ್ಚಿನ ಅವಕಾಶವಿರೋದಿಲ್ಲ. ಹಬ್ಬದ ಶಾಪಿಂಗ್ಗೆ ಮಾತ್ರವೇ ಹಣದುಬ್ಬರ ಪರಿಣಾಮ ಬೀರುತ್ತದೆ” ಎಂದು ಹೇಳಿದ್ದಾರೆ.
ಸಮೀಕ್ಷಾ ವಿಧಾನದ ಬಗ್ಗೆ ಮಾಹಿತಿ ನೀಡಿದ ಪ್ರವೀಣ್ ಖಂಡೇಲ್ವಾಲ್, ವಿತರಣಾ ಕೇಂದ್ರಗಳಾಗಿ ಕಾರ್ಯನಿರ್ವಹಿಸುವ 30 ನಗರಗಳನ್ನು ನಮ್ಮ ಸಂಸ್ಥೆ ಗುರುತಿಸಿದೆ. CAIT ಸಕ್ರಿಯವಾಗಿರುವ 600 ಪ್ಲಸ್ ಜಿಲ್ಲೆಗಳ ಒಳಹರಿವುಗಳಿಗೆ ಸಂಯೋಜಿತ ಡೇಟಾವನ್ನು ಇದಕ್ಕೆ ಸೇರಿಸಲಾಗಿದೆ. ಸಮೀಕ್ಷೆಯು ಗ್ರಾಹಕರಿಗೆ ಅನುಕೂಲಕರ ಮತ್ತು ಅನುಕೂಲಕರವಲ್ಲದ ಸಂದರ್ಭಗಳನ್ನು ಆಧರಿಸಿದೆ ಮತ್ತು ದೊಡ್ಡ ವ್ಯಾಪಾರವನ್ನು ಉತ್ಪಾದಿಸುವ ಅಂಶಗಳನ್ನು ಪಟ್ಟಿ ಮಾಡುತ್ತದೆ. ಸ್ಥಳೀಯ ವ್ಯಾಪಾರ ಸಂಸ್ಥೆಗಳು ಗ್ರಾಹಕರಿಂದ ಒಳಹರಿವು ಸಂಗ್ರಹಿಸಿವೆ ಎಂದು ಅವರು ಹೇಳಿದರು. “ಕಳೆದ ವರ್ಷವೂ, ನಮ್ಮ ಡೇಟಾ ಸರಿಯಾಗಿತ್ತು. ಸಮೀಕ್ಷೆಯು ಗ್ರೌಂಡ್ ಡೇಟಾವನ್ನು ಆಧರಿಸಿದೆಯೇ ಹೊರತು ಟೇಬಲ್ನಲ್ಲಿ ಕುಳಿತು ಮಾಡಿದ ವಿಶ್ಲೇಷಣೆಯಲ್ಲ ಎಂದಿದ್ದಾರೆ.
ಸಿಎಐಟಿಯ ಆಧ್ಯಾತ್ಮಿಕ ಮತ್ತು ವೈದಿಕ ಜ್ಞಾನ ಸಮಿತಿಯ ಅಧ್ಯಕ್ಷ ಆಚಾರ್ಯ ದುರ್ಗೇಶ್ ತಾರೆ ಅವರ ಪ್ರಕಾರ, ನವೆಂಬರ್ 23, 24, 27, 28 ಮತ್ತು 29 ವಿವಾಹಗಳಿಗೆ ಶುಭ ದಿನಾಂಕಗಳು, ನಂತರ ಡಿಸೆಂಬರ್ 3, 4, 7, 8, 9 ಮತ್ತು 15 ಮದುವೆಯ ಋತುವಿನ ಮುಂದಿನ ಹಂತವು 2024 ರ ಜನವರಿ ಮಧ್ಯದಲ್ಲಿ ಪ್ರಾರಂಭವಾಗುತ್ತದೆ ಮತ್ತು ಆ ವರ್ಷದ ಜುಲೈ ವರೆಗೆ ಇರುತ್ತದೆ ಎಂದಿದ್ದಾರೆ.
