ಬೆಂಗಳೂರು: ಜಾಗತಿಕವಾಗಿ ಇಂಟರ್ನೆಟ್ ಅಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿರುವ ಸರ್ಚ್ ಎಂಜಿನ್ ಗೂಗಲ್ 25 ವರ್ಷವನ್ನು ಪೂರೈಸಿದೆ. ವಿಭಿನ್ನವಾದ ಡೂಡಲ್ನೊಂದಿಗೆ ಗೂಗಲ್ ತನ್ನ 25ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದೆ.
ಈ ಮೈಲಿಗಲ್ಲನ್ನು ಆಚರಿಸಲು, ಸರ್ಚ್ ಎಂಜಿನ್ ಎರಡು ದಶಕಗಳ ವಿಭಿನ್ನ ಲೋಗೊಗಳನ್ನು ಪ್ರದರ್ಶಿಸುವ ಮೆಮೊರಿ ಲೇನ್ ನಲ್ಲಿ ವಿಶೇಷ ಡೂಡಲ್ ಪ್ರದರ್ಶಿಸಿದೆ. ಗೂಗಲ್ ಈ ಬಗ್ಗೆ ತನ್ನ ಬ್ಲಾಗ್ನಲ್ಲಿ ಬರೆದುಕೊಂಡಿದೆ. ಕಳೆದ 25 ವರ್ಷಗಳಲ್ಲಿ ಕಂಪನಿ ಬೆಳೆದು ಬಂದ ಹಾದಿ, 1998ರಿಂದ 2023ರ ವರೆಗೆ ತನ್ನ ಬದಲಾದ ಲೋಗೋಗಳನ್ನು ತೋರಿಸುವ ಡೂಡಲ್ ಅನ್ನು ತನ್ನ ಬ್ಲಾಗ್ನಲ್ಲಿ ಹಂಚಿಕೊಂಡಿದೆ.
ಗೂಗಲ್ ಅನ್ನು 1998 ರಲ್ಲಿ ಸ್ಥಾಪಿಸಲಾಯಿತು. ಗೂಗಲ್ ಅನ್ನು ಅಮೆರಿಕದ ಕಂಪ್ಯೂಟರ್ ವಿಜ್ಞಾನಿಗಳಾದ ಸೆರ್ಗೆ ಬ್ರಿನ್ ಮತ್ತು ಲ್ಯಾರಿ ಪೇಜ್ ಸೆ.4, 1998 ರಂದು ಸ್ಥಾಪಿಸಿದರು.
ಕ್ಯಾಲಿಫೋರ್ನಿಯಾದಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಗೂಗಲ್ ಈಗ ಸರ್ಚ್ ಎಂಜಿನ್ ತಂತ್ರಜ್ಞಾನ, ಕೃತಕ ಬುದ್ಧಿಮತ್ತೆ, ಕ್ಲೌಡ್ ಕಂಪ್ಯೂಟಿಂಗ್, ಆನ್ಲೈನ್ ಜಾಹೀರಾತು, ಸಾಫ್ಟ್ವೇರ್ ಮತ್ತು ಇತರ ಹಲವಾರು ವಿಷಯಗಳ ಮೇಲೆ ಕೇಂದ್ರೀಕರಿಸುತ್ತದೆ. ಗೂಗಲ್ ಅನ್ನು “ವಿಶ್ವದ ಅತ್ಯಂತ ಶಕ್ತಿಶಾಲಿ ಕಂಪನಿ” ಮತ್ತು ವಿಶ್ವದ ಅತ್ಯಂತ ಮೌಲ್ಯಯುತ ಬ್ರಾಂಡ್ ಗಳಲ್ಲಿ ಒಂದಾಗಿದೆ ಎಂದು ಕರೆಯಲಾಗುತ್ತದೆ.
ಇನ್ನು ಇಂದು ಗೂಗಲ್ ನಲ್ಲಿ ʼನಾವು ಭವಿಷ್ಯದ ಕಡೆಗೆ ಗಮನ ಹರಿಸಿದ್ದೇವೆ, ಜನ್ಮದಿನಗಳು ಪ್ರತಿಬಿಂಬಿಸುವ ಸಮಯವೂ ಆಗಿರಬಹುದು. ನಾವು 25 ವರ್ಷಗಳ ಹಿಂದೆ ಹೇಗೆ ಜನಿಸಿದ್ದೇವೆ ಎಂಬುದನ್ನು ತಿಳಿಯಲು ಮೆಮೊರಿ ಲೇನ್ ನಲ್ಲಿ ನಡೆಯೋಣʼ ಎಂದು ಅದು ಬ್ಲಾಗ್ ಪೋಸ್ಟ್ ನಲ್ಲಿ ಹೇಳಿದೆ.
